張致恒與太太區燕雯四年抱四，不斷出奇招搵奶粉錢。
張致恒(Steven)與太太區燕雯（雯雯)四年抱四，為了搵奶粉錢養家，不斷出奇招，繼兩公婆重施故技開設收費IG帳號，採取月費50元的會員制分享家庭事，日前更宣布開設YouTube頻道拍片做YouTuber ，並迅速推出兩條短片「深夜夫妻Q&A 」，反應熱烈，而昨晚雯雯在IG限時動態再貼文，暗示想請工人。
張致恒太太雯雯帖文搵僱傭公司。
雯雯日前在YouTube頻道被問到有冇考慮返工？當時她就表示想返工，但要照顧小朋友，而在旁的Steven亦有透露想請工人幫手照顧屋企，他表示：「我哋都有諗大家一齊出去做嘢，但而家狀況實在唔容許我哋請工人，所以我哋都好努力拚搏緊，希望可以請個工人，解決我哋嘅問題，嚟緊嘅日子編排會好啲，咁就唔會咁窮。」未知是否YouTube頻道帶來收入，兩公婆坐言起行，昨晚雯雯在IG限時動態貼文問道：「有冇人有相熟嘅僱傭公司？」帖文一出口，再次引起網民熱烈討論，並紛紛留言謂：「仲有錢請工人？」亦有人表示：「終於捨得出去做嘢？」、「早就要請工人，自己出去返工啦。」