關智斌今日（15日）現身尖沙咀出席服裝品牌活動。（娛樂組攝）
關智斌今日（15日）現身尖沙咀出席服裝品牌活動，他接受訪問大談健身成果，並表示：「體脂低咗，反而我啲褲頭唔啱，之前着嗰啲全部都縮咗水。」他笑言若果穿童裝衣服，就會外型看起來比較健壯。被問到演唱會會否除衫，他表示：「大家都好似好留意呢樣嘢，徇眾要求我都會當一個標準嘅配置嚟做。我會融合喺表演裏面呈現，唔會淨係話撕開件衫，都想有唔同嘅效果！」
有報道指張致恒為養家黑色暴雨警告信號期間。
讚張致恒冒暴雨搬雪櫃有擔當
提到有報道指張致恒為養家黑色暴雨警告信號期間，冒雨搬運重型雪櫃，關智斌表示：「我覺得係好嘅事，好有擔當好有交帶嘅一件事，我覺得每個人都係為自己嘅事去負責任。」至於現階段有否與張致恒保持聯絡，他說：「好似同朋友講生日快樂同恭喜發財。」
關智斌日前在社交網分享健身時巧遇Tyson Yoshi。
想向Tyson Yoshi學插水技巧
講到日前在社交網分享健身時巧遇Tyson Yoshi，他回應：「我同佢真係唔係同一個Level，佢真係胸神，實在太勁。我哋咁啱喺附近住，所以喺健身房撞到，之後又同佢玩咗一兩日。我有篤吓佢個胸，真係都好澎湃，又堅硬又有彈性。」被問到演唱會會否仿效Tyson Yoshi有插水環節，他直言：「我又冇諗到喎！因為佢哋演唱會有企位，我演唱會冇企位，如果有機會請佢嚟教我點樣插水。」被問到演唱會BOYZ會否合體演出，他說：「我覺得我哋要等到一個啱嘅時機，同頻率同埋ready嘅時候就可以做呢件事。」
至於張敬軒較早前受訪透露對於關智斌開騷特意發訊息給予意見，他回應：「佢始終係Audio方面好有經驗，佢都俾咗啲意見我點樣去揀咪，點樣去調教耳機，同埋啲聲音運用，佢都俾咗好多意見我。」他續說今次並沒有問張敬軒借任何私伙器材演出。
