張致恒平安夜被網民提避孕 。
張致恒（Steven）與太太區燕雯（雯雯）結婚後四年抱四，長期陷入經濟困難的他，最近終於生性積極返工，養活一家六口。而在Steven迎來第四胎後，追女失敗的他在兩年前已宣佈結紮，並發文表示：「好榮幸可以做到四個小朋友嘅爸爸，見到第四個仔出世…為咗未來一家六口嘅生活，經過深思熟慮嘅思考，我決定進行結紮手術，為頭家負上最大責任。」
張致恒兩年前已宣布做了結紮手術。
嬲爆反擊網民
適逢日前（24日）平安夜，Steven在社交網分享自己唱的聖誕歌，而作為基督徒的他表示：「希望大家去玩嘅同時都紀念今日就係耶穌出世嘅日子，送畀大家11年前嘅福音歌聖誕夜」，但網民並不受落，更有人留言表示：「今晚記得戴套。」Steven亦不甘示弱寸爆謂：「結紮咗好耐喇喎，清朝返嚟呀你？」對方再追擊：「Btw 你唔識避孕，似你清朝返黎多啲」Steven則霸氣寫道：「我識唔識避孕關你X事。」其後大批網民紛紛加入戰團，Steven懶理網民攻擊，僅冷靜回覆：「耶穌祝福你。」其實，早前Steven與網民互動時被攻擊，已經透露不會硬食網絡欺凌。
張致恒平安夜被網民提避孕 。
ADVERTISEMENT
請你睇尋秦記👇原班人馬重現大銀幕🤩
