張致恒被揭一直靠賒借度日。
張致恒(Steven)與區燕雯(雯雯)一家再有新聞，今次是Steven親自回應連日來的指控。過去數日，富貴網紅Sean Lam都收到債主提供Steven的借錢錄音及對話截圖，Steven借錢的藉口層出不窮，令不少網民感慨他們一家只靠賒借度日，但從不認真面對問題。
Steven於今早長文回應，除了承認有倡大耳窿及連父親的生果金也不放過外，更揚言自己受網路欺凌，只謂自己很愛這個家，再次表示會想辦法還錢。然而，網民稱Steven三番四次揚言還錢及表示會改正，但仍然不停賒借，認為他不可信，只是賣慘，更指他的帖文只是告訴一眾債主還不到錢而已。
缺點係會選擇逃避
Steven先指控Sean Lam爆料︰「我想講嘅係網絡欺凌呢件事真係好嚴重，一件完全唔關任何人事嘅事，竟然可以俾一位網紅隨意欺凌，第一樣嘢係我完全唔識得呢一個人，亦都對呢一個人冇興趣，但係佢就一而再再而三咁樣網上欺凌我一家，其實佢係想點呢？係想睇到我哋一家自殺定係點樣呢？」他續稱過去4年是迷失，「整個人迷失到唔識行前面嘅路，入咗行咁多年嘅我，唔係話放低就可以完全放得低，所以當我冇任何辦法嘅時候，由朋友到大耳窿甚至乎澳門嘅疊碼仔我都借過錢，用盡任何辦法去借，因為我唔知道我可以點做，但係我越借就越泥足深陷，我畀其中一個缺點就係當遇到麻煩事好容易就會選擇咗逃避，所以一直以嚟我都係做錯，而家有咗小朋友，好努力去改呢一個缺點，但係都係好難。」
張致恒稱自己一遇問題就逃避，而且又改不掉這個性格。
避談借錢藉口
對於他與債主們的對話流出，內容包括有他聲稱還不到錢便要老婆出來肉償，甚至稱已拿了家中長者的生果金，Steven說︰「呢個世界總會有一啲仆街想你死，講真…其實我真係好攰，一直以嚟死撐到而家，無非都係想見到小朋友快樂成長，曾經同朋友嘅聊天對話流出，我都唔多想回應了，首先第一樣嘢我冇用老婆嚟肉償，第二樣嘢我只係講我嘅小朋友當時未搵到學校，我好驚佢要讀特殊學校，並唔係嗰位網紅所講我個仔低b，第三樣我老豆佢一直都好擔心我，佢係曾經有將佢嘅生果金畀我做生活費，但係唔係個個月畀我，只係畀咗一兩次！」
有網民認為Steven自覺憑實力借錢，所以大條道理不還，替一眾苦主可憐。
張致恒︰我唔知有咩可以做到
最後他再次表示自己會努力搵錢，︰「我真係好想還曬啲錢，無奈何收入都唔夠屋企嘅支出，所以一直都唔能夠還畀借過錢畀我嘅朋友，想同你哋講聲對唔住，我會盡我嘅能力用最快嘅速度還返曬畀你哋，至於網絡暴力同埋網絡欺凌我就冇計了，只能夠講你哋要X你哋要笑就隨便，但係我懇請你哋要笑嘅就笑我好啦，禍不及妻兒，你哋要鬧我可以企喺度畀你鬧，你哋要笑我亦都可以企喺度畀你笑，但係觸碰到我家庭嘅任何一個人我就冇辦法容忍，雖然我唔知我有咩可以做到，但係我都會用盡辦法去反擊，因為我真係好愛我嗰家！」然而，Steven早前開live表示現在想休息及照顧家人，所以沒有外出工作。
Steven於2021年曾表示會努力工作還錢，奈何債主們的錄音及對話大多是2022年，Steven仍然靠賒借度日。
ADVERTISEMENT
