張致恒（Steven) 同太太區燕雯屢次成為新聞人物，而Steven近日就接受專訪，係佢被踢爆劈腿五女娶雯雯5年後嘅首次。訪問中Steven直認當年因為被爆緋聞形象插水，加上有一家幾口要養，為生計有做過飲食業等工作。而報導出街後，有網友就喺新畀一間小食店撞到開緊工嘅Steven，仲影相post出嚟。
張致恒近一個禮拜冇返工
有傳聞去到Steven打工嘅小食店，但未見到佢開工，同事就話Steven返工唔定時，但一個禮拜會返4日。記者訪問埋旁邊鋪頭嘅店員，對方爆料Steven返咗未夠一個月，但近一個禮拜都冇見過佢。有網友估計Steven可能以「炒散」形式返工，所以未必會定時定候開工。
上海登台想借衫
與此同時，Steven就喺IG出story表示今個周末要去上海唱歌，問有冇品牌可以借衫。Steven早前受訪時提到，仍然堅持做幕前演出，呢個都可能係Steven唔會成日喺小食店出現嘅原因。早前有網民影到張致恆帶埋三個仔行書展，有人認為Steven終於生性負起爸爸責任。
原文刊登於 Yahoo 娛樂圈
▼六合彩｜十大幸運投注站▼
