黃建東與張與辰非常老友。(娛樂組攝)
黃建東昨日到尖沙咀出席好友的水晶店開幕活動，他透露因為上次龍舟活動加上近日不時出海，令自己的膚色變黑，同時因為上次扒龍舟令自己的手臂粗壯不少，所以將會努力做運動令自己變成肌肉男。對於安德尊每年批評TVB龍舟隊，他表示自己沒有介意，知道對方著緊TVB龍舟隊。
黃建東與梁敏巧、謝東閔等到尖沙咀支持好友的水晶店開幕。(娛樂組攝)
問到他近日工作情況，他表示非常難忘到歐洲做司儀兼獻唱，因為有時差的關係，他連飲兩杯特濃咖啡提神，整個過程都非常難忘，而且客戶也非常滿意他的表現，大家在場也很開心。他稱今次是自己首次到荷蘭做活動，因此自己也把握機會去歐遊。
黃建東數月前飛去荷蘭做司儀，犀利！
談到他的好友張與辰自從參加《中年好聲音3》之後，工作多籮籮，黃建東表示對方現時非常忙碌，要約對方食飯都非常困難，「佢依家要叫與辰大哥呀！自己都希望可以同佢合作，希望搵個機會借意同佢合唱先！我好戥佢開心，又要開騷，又出新歌！都希望佢可以注重身體，唔好淨係掛住做嘢！(有冇約過佢食飯？)唔容易呀！依家約佢都好難，但我就快生日，我試下約佢7月26日先，如果佢唔開騷，應該會應約哇！哈哈！但都明白呢行事業行先，佢唔使工作就希望佢俾俾面一齊玩。」
黃建東與張與辰私下是好朋友。
談到張與辰有不少是非纏身，黃建東表示沒有特別為此致電安慰對方，「佢EQ同IQ都好高，佢都明白點解會上封面同咁多新聞，因為佢依家真係出名，所以佢係明白同體諒傳媒點解要咁做。我就無特別send訊息俾佢，但就有留意佢啲訪問、回應，感覺好大哥哥，心態好好，完全唔擔心！」
ADVERTISEMENT
20周年「全城撐本地消費3重大激賞」！ 即睇活動詳情！
