Ad Block Ad Block
娛樂
2022-06-10 11:26:29

徐菁遙嫁黃浩做少奶奶 即睇4千呎比華利山豪宅

分享:
徐菁遙

前TVB女星徐淑敏Suki已改名徐菁遙。

37歲嘅徐菁遙(Suki,前名徐淑敏)2009年與飲食界才俊黃浩奉子閃婚,之後淡出娛樂圈,專心相夫教女,做幸福少奶奶。Suki不時喺社交網站分享近況,除咗有家人嘅照片之外,同時令金碧輝煌嘅豪宅曝光。

大女心瑤似足黃浩

徐菁遙喺2006年參選港姐,雖然三甲不入,只係得到「旅遊大使獎」,不過憑甜美外表及豐滿身材而被無綫力捧,發展相當不俗,更被傳媒封為新一代「咪神」。Suki於2009年與黃浩奉子閃婚後便淡出娛樂圈,10年生咗大女心瑤(Vianna),11年生咗心柔(Renee),14年仲生埋沁誼(Isabella)。多年嚟唔少網民都話三位囡囡同爸爸好似餅印一樣,早前Suki喺社交網站上載Vianna舉行12歲生日派對嘅相片,囡囡眼大大鼻高高,同爸爸非常似樣,有網民甚至留言話:「老公做乜帶假髪」,不過亦有網民指囡囡個樣精緻咗、越大越似媽咪同靚女。

徐菁遙大女黃心瑤(Vianna)

徐菁遙大女黃心瑤(Vianna)。

雖然徐菁遙現時生活無憂,不過佢仍然努力增值自己。喺2012年發展美容生意,研製護膚品創立個人美容品牌,2016年以8位數字將品牌賣出,短短4年賺過千萬,真係好叻女呀!除咗搞美容生意之外,Suki更不停學習,獲美國國際美洲大學頒發榮譽工商管理博士、報讀珠寶鑑證課程及赴東京報讀法國藍帶課程等等。

徐菁遙生活照 徐菁遙生活照 徐菁遙 徐菁遙生活照 徐菁遙生活照 徐菁遙生活照 徐菁遙生活照 徐菁遙生活照

喺2016年,徐菁遙一家五口跟奶奶和姑奶一家搬入大埔比華利山一個4層連天台嘅4千呎豪宅,主人房設於4樓,而奶奶、姑奶同埋囡囡嘅房間走喺3樓,2樓同1樓分別係飯廳同客廳。豪宅除咗喺奇妙電視(現名香港開電視)節目《何家姐妹何家餐》中曝光之外,Suki間唔中都有上載喺豪宅宴客及為囡囡舉行生日派對嘅相片。豪宅裝修非常揼本,廚房已經已經花費大約200萬,仲係花園旁邊設有海鮮魚缸。另外,豪宅仲設有私人Spa房、按摩池、BBQ爐、12人長餐枱、及天台花園有「小農莊」俾Suki種植蔬果等等,真係氣派十足。

即睇徐菁遙大埔比華利山豪宅

徐菁遙豪宅 徐菁遙豪宅 徐菁遙豪宅 徐菁遙豪宅 徐菁遙豪宅 徐菁遙豪宅 徐菁遙豪宅 徐菁遙豪宅 徐菁遙豪宅 徐菁遙豪宅
Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受