何佩瑜、鄭欣宜、連詩雅及雨僑等，昨日於中環為劇集《性敢中環》拍攝，鄭欣宜笑言終於拍了入行以來首次床戲，又說在劇中要飾演孕婦，更因近期體重再一步提升，自嘲拍孕婦戲不用裝假肚。
雨僑表示，已經習慣新婚生活，所以積極投入工作。
鄭欣宜表示，《性敢中環》將有床戲，她說：「拍攝過程中冇咩尷尬，爸爸鄭少秋都冇嚟現場監場。」她又自嘲近期胖了不少，其中有一場扮演孕婦戲，被導演指她的假肚可以減少一點，鄭欣宜說：「然後我助理同導演講，嗰個唔係假肚，係真肚嚟，太好笑啦！」將於月底生日的鄭欣宜，表示生日當天要拍攝，不能慶祝：「之前完成咗演唱會後，已經慶祝咗好多次啦，生日禮物係想休息，老娘攰啦！」
何佩瑜想藉新劇翻生
轉了新公司的何佩瑜，直言感覺不錯，現在希望向多方面發展，問到參演的網劇《飛虎之潛行極戰》有傳開拍續集，她坦言希望收到邀請：「其實我嘅角色已經死咗，不過有好多方法翻生，例如話我係雙胞胎都可以嘅。」
鄭欣宜希望有機會回加拿大開巡唱，「要開始減肥，因為如果加拿大演唱會開得成，都要著得落嗰啲舞台服裝。」