凌志灝嘅市場推廣公司網頁，被指將同佢地無關嘅日本護膚品宣傳活動當係自己公司出品。當日MIRROR成員有份出席活動。
近日有廣告公司發文，表示佢哋早前同男團MIRROR合作嘅日本護膚品廣告，被另一間無份參與嘅市場推廣公司挪用盧瀚霆(Anson Lo)、姜濤、陳卓賢(Ian)及呂爵安(Edan)出席活動嘅宣傳照片，並聲稱廣告片及宣傳活動由佢哋負責。廣告公司透過律師向市場推廣公司發信要求解釋，又指「幾經周旋，Edmond Ling 最終透過他的代表律師與我們達成和解，簽署了道歉書並支付了一些律師費給我們」。呢度提及嘅Edmond Ling係涉及事件嘅市場推廣公司負責人之一，後來被網民揭出原來係新城DJ凌志灝。
林作不滿被「搵老襯」
事件揭發後，唔少網民聲稱曾經幫襯凌志灝嘅市場推廣公司，結果一單生意都做唔成，於是成立「苦主群組」。有人發現早前因失言而被保險公司辭退嘅林作，亦被呢間市場推廣公司聲稱係佢哋客戶。網民向林作求證，並指林作以語音短訊回覆，聲帶裡面嘅林作強調「同佢哋並無任何合作，只有見過面」，亦冇同凌志灝嘅市場推廣公司進行任何廣告宣傳，更加嬲到爆粗話對方想「搵我老襯」。
原文刊登於 Yahoo 娛樂圈
凌志灝嘅市場推廣公司後來向創作MIRROR參與嘅廣告片嘅單位出信道歉。
