新聞女王｜佘詩曼睇大結局爆喊 親解片尾一齊飲水原因

無綫台慶劇《新聞女王》昨日(22日)播出2小時大結局，台前幕後更移師到澳門與現場觀眾齊齊睇結局歡渡冬至。播放大結局期間，坐在第一排位置的佘詩曼、高海寧和陳山聰都被感動到流淚，一度用紙巾抺眼淚和擤鼻涕。 

阿佘今日(23日)出席活動支持癌症病患者，她笑言是陳山聰整喊她，並指因深深感受到做咗爸爸之後的不同，加上劇情又係講有小朋友，拍的時候已有份傷感；她續指馬國明在大結局的一幕也令她很感動，二人在劇中鬥生鬥死多年，但他會為Man姐意外而緊張。最後，被問到大結局一幕，眾演員齊齊飲水是否有特別意思，阿佘表示是一個和好的表達，想紓緩吓飲支水，更表示大家都係做新聞的，但初心大家都是善良。