高海寧身體響警號，鬼剃頭後再受眼疾困擾一年。
現年38歲的高海寧憑TVB台慶劇《新聞女王》人氣爆升，經常中港兩邊走密密吸金。向來樣靚身材正的她，未知是否工作太忙，近年身體都響起警號，去年曾自爆有鬼剃頭、頸部出現硬塊等問題後，最近又到「靈魂之窗」出事。
網民估計免疫系統出問題
高海寧在IG限時動態貼出短片，見她的眼睛又紅又腫，她表示：「救命呀，隻眼呀，究竟你要腫到幾時呀？我隻眼睛不停反反覆覆一年啦，唔係生眼挑針就係生濕疹，又痕又痛真係好痛苦，我真的沒有辦法了。」原來高海寧的眼疾斷斷續續已經維持了一年，令她相當困擾。不少網民都指她可能是免疫系統出了問題，並叫她要好好休息。而昨晚，她再於社交網「上水」感謝大家的關心：「已工作完返港睇眼科醫生醫生，請救救我！真係好好好痛呀～～」