吳業坤（坤哥）去年5月突然宣布婚訊，太太就係日本藝人浜口愛子；結婚後，浜口愛子移居香港，為咗吳業坤及更融入香港，浜口愛子積極學習粵語，又曾於社交平台表示與吳業坤同在同一個亞洲地區，但文化和環境完全唔同：「多虧了丈夫、公婆、朋友等很多人的支持和鼓勵，我才得以看到以前從未想像過的世界，接觸到不同的文化，並有許多有趣的發現。」
愛妻拎120蚊平民手袋
日前，吳業坤就帶住浜口愛子到深水埗一間著名腸粉店食腸粉。食完之後，吳業坤就拎住空碟前行，隨後嘅浜口愛子就喺到整理手袋，二人被網民大讚貼地。但有網民就認得出浜口愛子當日用嗰個手袋就係HERMÈS Mini Kelly，拍賣網站二手價逾22萬。有媒體於社交平台報導浜口愛子手袋價錢，得到吳業坤親自回覆：「其實唔洗百2蚊」，網民就笑指叫吳業坤話畀佢知喺邊度買，要搞團購咁話，有網民又問係咪A貨定係相似款。
