林作分享在英國醉酒的往事。
ViuTV節目《晚吹-有酒今晚吹》最新一集邀請了林作做嘉賓。林作在節目中提到自己在英國讀書時，經常飲酒，更試過在下午3、4點飲到醉到不省人事，之後在英國人流最多的地鐵站，登上車廂並攬住鐵柱嘔。
林作自認酒量不算好，醉後更一定會做出瘋狂行為︰「一斷片就想除褲同除衫，喺街都會，最緊要係除條褲，好多朋友都見識過，好彩無俾人影到。」他又提到酒後必定「出事」︰「通常都係同女性發生關係。」主持強尼問到「咁咩對手都有？」林作答道︰「我啲眼光向來唔錯嘅，但儘量都唔想咁樣，太多啦！」亦曾試過醉後拿住拖鞋求婚。
林作曾被人拍下全裸照，估計又是醉酒導致。
林作謂試過與麥秋成到酒吧捧陳葦璇場，飲完酒見到她之後便表示上前表示很傾慕她，但其實只是飲醉亂講說話。他又提到7年前購入現時的居所，全因為去蘭桂坊很近，一周蒲足四晚。現時31歲的他坦言「已經唔得」︰「自己唔係好得，27、8歲已經唔得，唔可以連續飲兩晚。」
去到節目最後一部份，林作說︰「我想懺悔嘅係，以前因為飲完酒同好多唔同嘅女士發生過感情，佢哋分別嚟自香港、香港、香港同埋香港，大部分都好似係讀law嘅，咁喺度講聲唔好意思，同埋同大家保證以後一定會改過自新，唔會再同你哋發生任何關係！」
