邱傲然Tiger@MIRROR現身書展出席攝影座談會。
MIRROR成員Tiger今日(21日)現身書展出席攝影交流會，分享為新歌《問多一次》錄音和拍MV的深刻體會，先後曾推出《Alright》與《Live The Way I Want》兩首搖滾歌曲的Tiger，一改「搖滾虎」形象，初次推出分手慘情歌，他半說笑道：「公司都好想我出情歌！」接著認真表示，其實他也好奇，「如果將我鍾意嘅嘢擺喺一隻情歌會係點，所以都同天衡傾咗好耐，其實都幾大膽，公司好好，俾我有成分鐘得結他冇人聲，但我都好畀面喇擺最後。」主持指fans唔介意，Tiger即答道：「我諗公司有所謂！」Tiger認真表示，能將Tiger的元素放入新歌已感開心，「淒美啲故事從來都係好睇，happy ending唔夠靚，可以懶係浪漫啲。」
最難唱solo
談到演繹的難度，Tiger坦言，《問多一次》在3首個人單曲中最難唱，「因為首歌好慢好長，對比以前的歌要很細緻，今次都係好大挑戰，錄Vocal錄咗好個鐘。」他直言，深被《問多一次》的MV概念觸動，其中講到男女主角曾寫下一起實踐的願望，無奈兩人分日收場，但男主角仍盡力為女方實現未圓的願望，其中一個願望是在燈塔求婚，「分手後，男方自己去燈塔等待，其實有寓意，燈塔能指引船隻方向，男主角亦願意守護和等待。」
燈塔寓意守護
Tiger分享最感動的MV畫面，有場戲是分手後獨自借酒消愁，回顧拍拖的開心片段，他自爆真的落下男兒淚：「嗰場戲其實喊到『飛哩啡呢』，但冇剪出嚟，可能係我喊得唔夠靚仔！」另外，拍燈塔情景時，由於已拍了超過10小時，跟男主角的心情相似，「好唔開心，陶空了自己仍要行上燈塔，完成最後一件想跟女友完成嘅事，所以都好有感覺。」
「虎導」自認不及「小虎隊」？
Tiger曾為鮮浪潮拍過短片，亦執導過MV，「虎導」幽默表示，攝影技巧不及現場舉起長鏡頭拍攝的「小虎隊」，他首次透露接觸攝影的起步點，「其實小弟有讀過工聯會影相課程，係同爸爸一齊報讀，係開始接觸相機嘅起步。」談到未來新動向，他笑言想多影相，接著認真表示，「音樂上都想嘗試唔同曲風，就算唔係出歌，有咩諗法都可做咗先，同天衡或阿妹一齊做半隻(歌)也好，等有機會時可有得揀。年尾希望沉澱吓，學多啲嘢，因output太多會乾，希望可叻啲出嚟見大家。」
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
