一年一度書展昨日開鑼，不少藝人推出寫真集，其中崔碧珈更事前特意增磅拍攝，在書中大談生酮飲食及扮靚減肥貼士，希望鼓勵大家關注健康。她又謂希望在50歲前，能推出產後寫真。
崔碧珈低胸裝到場宣傳新書，她表示今次的寫真集會有英文及法文版，內容大談健康、減肥等心得，有別在場嫩模的寫真，不怕有競爭。提到她有意推出產後寫真，是否暗示自己好事近，崔碧珈說︰「我覺得母愛好偉大，如果我遇唔到伴侶生BB的話，就唔會再出。」問到會否送新書予緋聞男友吳浩康，她說︰「我同佢係朋友，本書第一日出咋，佢依家拍緊戲都唔得閒，我會叫佢之後到便利店買。」
今年同樣有出寫真的孫慧雪與鄧洢玲(阿旦)，昨日孖住到書展宣傳。阿雪表示很多朋友誤會她的相片是陀B前影的，她笑說：「啲相係我產後影嘅，有人話我身材豐滿咗，我自己睇返啲相都覺得有啲誇張。」阿旦就指相片是工作花絮相，拍攝其中一輯時，攝影師突然笑指她如果唔生BB就浪費了，她也不明對方所指，但覺得好突然及很好笑。
孫慧雪即場為阿旦徵男友，呼籲對阿旦有興趣的人立即來買書。