2025-09-01 22:30:00

李佳芯大馬唱歌冇驚到震笑言向演唱會邁進一大步

李佳芯早今晚(1日)與一眾女星包括胡杏兒、王丹妮、沈月、周汶錡、林愷鈴劉穎鏇、倪晨曦等，出席「香港國際時尚滙展」時裝騷活動。早前因在馬來西亞兩個月拍劇缺席《麻雀樂園》宣傳，她表示在大馬逗留約兩個月拍劇，經常在炎熱天氣下拍外景，她坦言起初需時適應，「工作節奏跟香港有啲似，大家都係快手腳，大家都有心做好件工作，所以都唔難適應。」

Ali自言最開心是品嘗美食，但試過因飲完骨茶敏感，故不敢太放肆。問到可會將工作重心轉移當地，她就表示：「又無特別將重心擺喺邊，邊度有適合的工作都會去嘗試。」談到在大馬展歌喉獲讚「魔音」變「凡音」，她直言以往上台唱歌都感壓力，「上次唱歌冇震，係一個好大嘅突破，距離我邁向演唱會進一大步。」她笑言歡迎大家洽談登台。

李佳芯與黎諾懿相隔逾7年再合作，Ali 大讚各自成熟了不少。提到黎諾懿些載二人舊照，Ali表示：「好在大家都唔係老咗好多，同埋冇整容。」她表示兩人演有江湖背景的夫妻，「今次對我有啲難度，因為好少劇嘅角色咁有霸氣，以前喺香港拍劇都係小品角色，情感比較重或者溫情啲角色，突然江湖味好濃，所以初初拍嘅時候好少笑容，一嚟就要鬧人，需要點時間去揣摩，要拎個氣場出嚟。」她又大爆看似傻更更的黎諾懿，但今次也做到聲嘶力竭。對於《麻雀樂園》播出後，觀眾大讚她與譚俊彥CP感極強，Ali表示有留意評價。「同埋大家每一次努力辛苦完幾個月出嚟嘅作品，大家鍾意、有感覺，我會覺得係好好，已經會覺得仲想點。」