個唱晚宴原由3月26日舉行，現宣布加開3月24日，共兩場。
李龍基（基哥）未婚妻王青霞目前正被還柙，基哥每日風雨不改去探望愛人，甚至曾揚言表示已取消三月份所有的工作。不過話口未完，「人氣爆燈」的基哥日前即推出一個晚宴套餐，$4,000/席（全包宴），並有9道菜式，觀眾可以邊食邊聽歌，據指消息一出，個唱晚宴已火速爆滿，基哥更乘勝追擊立即宣佈加開一場，果然係「高手」。
今日（2日）網上流傳晚宴的加場宣傳海報，原來基哥食住個勢，決定加開3月24日一埸，從酒家的宣傳海報所見，價錢更由$4,000一席坐地起價至$5380一席，食物亦由燕窩升呢到食魚翅，網民紛紛笑言:「老人家真係非常識玩」、「流量高手」，更有人指他「籌錢救老婆」。
基哥表示不知道流量是何物。
「抽水王」林作日前指基哥化流量為收入，當時基哥自言行得正企得正，並表示不懂如何作流量，更大爆好多人藉此事而賺了好多錢。昨日，林作貼文回應表示：「但橫睇掂睇，都係基哥目前全港最有流量，同埋係佢開show賺錢啵！基哥嗰種謙卑，令我又學一課。本人真心希望做基哥入室弟子。唔學唱歌，也講真識少少做流量，同埋將流量轉化為收入。不過我真係要跟基哥學如何可以咁低調、自然、謙卑、不刻意地製造到流量，仲要可以如此般持久！」
