TVB資訊節目《東張西望》以社會時事及民生議題作為主打，好似噚晚（16日）就報導香港多區因連日落雨而受到飛蟻困擾，節目組派出「一蚊Joe」游莨維前往飛蟻為患嘅九龍城區進行採訪，不過游莨維嘅表情非常浮誇，引起網民熱議。
網民：前世未見過飛蟻咩
《東張西望》派出「一蚊Joe」游莨維到九龍城區進行採訪，期間佢訪問咗區內唔少街坊及商戶，唔少人都話深受飛蟻困擾，其中一個商戶更指飽受白蟻為患之苦，當商戶負責人提供相關片段時，一蚊Joe除咗嘩嘩聲之外，更七情上面咁露出浮誇表情。節目出街後，隨即引起網民熱議，紛紛留言指佢表情誇張，例如「男主持做乜姐」、「佢唔浮誇都入唔到tbb啦」、「一蚊Joe d表情」、「算吧啦你，前世未見過飛蟻咩! 飛蟻你都驚，點保護你老婆呀？ 你呀! 男人都不如呀」及「1蚊Joe拍緊戲？」等等。而游莨維亦有喺社交網站出PO回應，並寫上：『你當我是浮誇吧！誇張，只因我很怕！』
原文刊登於 Yahoo 娛樂圈