陳庭欣由《東張西望》主持變了受訪者。
《東張西望》主持之一陳庭欣今次成為騙案苦主，原來她透過「247足球會」前高層周志業（Frankie）代訂演唱會門票，損失近4萬元。節目除了有陳庭欣這名苦主現身說法，另有兩名苦主亦有接受訪問，他們均表示Frankie稱會有門票，若買不到會退款，惟到限期仍未收到票，也沒有收到退款，款額涉及過萬元。
節目提到「247足球會」前高層周志業嫌謊稱可以出售演唱會的內部門票。
陳庭欣︰佢應該賭得好大
警方日前拘捕一名36歲男子，涉嫌謊稱可以出售演唱會的內部門票被捕男子為周志業(Frankie)，曾經是「247足球會」的發展總監，有超過100人受騙，涉及款項高達600萬元，當中有不少苦主是足球員。
陳庭欣接受訪問表示自己多數都是幫人買飛，「有時我會幫朋友買飛，因為見到朋友好想睇，但我每次都同朋友講明我對Frankie呢個人都唔係好了解，不過我認識佢，曾經托佢買過，我係有飛嘅！所以而家我連埋我啲朋友加埋五個人左右啦，我哋買嘅飛嘅數量嘅錢可能係3萬幾4萬蚊總共。」
她續說︰「我諗直至早三、四日開始，真係send message之後，佢就唔覆喇。後來睇新聞先知道佢都被警察拘捕咗，好似聽朋友講聽到佢有時喺電話對話中，話用兩萬蚊買呢場波咁樣，咁聽落去，我覺得佢應該賭得好大吓囉。」
陳庭欣表示與朋友損失近4萬元。