麥明詩被拍得與盛勁為同遊日本,麥明詩更在飛機上挨著男方的膊頭入睡,令人不禁猜想二人的關係。有報道把盛勁為與林作做比較,指盛勁為高過林作20cm,林作當然貫徹其抽水作風,在社交平台向對方下戰書,又貼出家中愛犬的下體照,強調自己也有過人之處。
林作向「盛品儒」挑機
林作寫道︰「本人現向(我唔識佢,上網話佢做保險嘅)盛品儒發出公開挑戰:上擂台打番場,睇下高挑鬼命嘅你定係好似阿根廷烈山度馬天尼斯嘅我好打啲!」並指對方若打贏他的話,他將會加入對方的保險團隊,但對方若輸了便要盛勁為連同他的團隊整隊人加入他的保險團隊。
不過林作就把盛勁為寫作亞視前高層盛品儒的名字,未知他是有意還是真的混淆了二人,令盛品儒躺著也中槍,網民留言道︰「首先要搞清楚盛品儒同盛勁為嘅分別先,唔好挑機都錯對手先得㗎。」