林作願出10萬停播林二汶禮儀歌。
林二汶近來是非纏身，形象插水。日前有大批網民湧到百老匯院線的Facebook 專頁留言要求停播林二汶的禮儀歌，更揚言若不換會罷入場。作為「抽水王」的林作昨天便在社交網表示出10萬畀戲院停播，他寫道：「本人願意出10萬元俾戲院，當俾個台階戲院落，收番埋呢首長年累月唔知林小姐俾咗幾多錢戲院keep住播嘅歌。」
他更表示首歌超低B，侮辱觀眾智慧：「唔准吸菸咗好耐啦，我會唔知？」林作又謂入場睇高深外國劇情片，一開場黎段低B歌，大煞風景，而多年來他已經每次都遲到入場，有時都係難免要聽到。最後林作表示：「俾多90萬你，錄5秒林作原聲激動錄音：『熄電話啦PK！』，一樣播足咁多年，仲實際。」
林作稱林二汶的禮儀歌超低B，侮辱觀眾智慧。