林俊其提起羅毓儀時，笑得非常甜。（娛樂組攝）
林俊其在《新聞女王2》扮演黃宗澤的下屬，他表示自己是第二季才加入，自己其中一個功能是幫黃宗澤保存他飲的牛奶，自封是「奶寶」。
提起他在台慶兜頭淋顏料，未幾又要火速在舞台上唱歌，他表示節目組在旁一早準備毛巾，更指這一幕是代表著每個人都有屬於自己的色彩，其實頗有意思。
羅毓儀一舉動觸動自己
羅毓儀日前受訪時，透露自己被林俊其的演出環節深受感動，「本身佢哋都係計劃淋完之後要上返台唱歌，自己其實見到都好想幫吓佢，好可惜我下一part就已經要上台」林俊其得知後說：「佢事前有問我有咩可以幫我準備，好可惜佢之後要即刻去下一個環節，但佢都有趁喺廣告時間喺門口等我，個下感覺係好窩心、好溫暖，忍唔住想喊。」
問到這股感動是怎樣的一回事，他指表演環節是講自己有無力感，無人可以支持自己，但獲張振朗鼓勵自己。「個下完晒之後，仲有好多情緒係度，之後一見到Yuki喺門口等我，個下真係好溫暖，覺得有個依靠，有佢支持住我。」
羅毓儀與林俊其在鏡頭後有不少甜蜜互動。（娛樂組攝）
我會好好對佢
提到他收到羅毓儀送了一部新相機，在台慶當日也見到他用這部新相機不停拍，他指自己舊的相機壞掉，拿去維修的價錢等同買新相機，「始終係我自己第一部相機，都有唔捨得，自己都有上網睇，問網民邊部好啲，再決定買邊部，無諗過佢知道，之後就俾呢個咁大驚喜我！我真係完全唔知，原本係我要準備驚喜俾佢，令佢開心，點知係佢反轉俾我，真係好開心！」問到如何報答Yuki，他說：「我會好好對佢，嚟緊聖誕節我會識做㗎啦！哈哈！」
林俊其每當提起羅毓儀時，都笑得好開心。（娛樂組攝）
林俊其表示沒有想過羅毓儀給自己如此大驚喜，揚言會好好對他。（娛樂組攝）
