梁敏巧、羅毓儀、關嘉敏及葉蒨文將在《歡樂滿東華》演出。（娛樂組攝）
梁敏巧、羅毓儀、關嘉敏及葉蒨文昨日（21日）出席《歡樂滿東華》記招，她們將會分開表演，其中關嘉敏會跟Matthew 合唱，葉蒨文會跟GM合唱。
關嘉敏稱自己會有高難度表演，會有飛車、叠羅漢等場口。梁敏巧問：「你係咪被人飛嗰個？」關嘉敏笑謂：「一睇就知我係被飛嗰個啦！」她又預告不停在《東華》節目出現。談到跟Matthew合唱環節，她用「黃主席」稱呼對方，坦言想挑戰唱《從不喜歡孤單一個》，可惜被監製否決。她說：「希望大家到時唔好鬧得咁勁。（咁快幫口？）因為我都有份唱，希望大家手下留情、口下留情！」眾女起哄指她護住Matthew，問到會否借機台上拖手，她稱屆時會唱慘情歌。
關嘉敏將會跟Matthew唱歌，更用「主席」去形容對方的歌喉。（娛樂組攝）
梁敏巧讚Matt好型
梁敏巧表示聽過Matthew唱歌，笑謂真的不容易，更以「天籟之音」形容。關嘉敏說：「佢仲有一個禮拜應該都OK。佢已經搵到個Key。」眾女又起哄他們好啱Key。葉蒨文跟GM仍在考慮唱甚麼歌，因涉及版權問題。
提到梁敏巧台慶造型惹來批評，Matt劉啟進在網上留言護花。她說：「當日《娛樂新聞台》有直播，佢都有留言話ok！之後有啲唔係太好嘅comment出咗嚟，佢都一路都有同我打氣，話會撐我，我覺得佢真係好型！Matt哥好好！」
Matt留言為梁敏巧護航。
被林俊其演出感動
談到林俊其在台慶淋油，羅毓儀表示二人都是訓練班出身，坦言這行並不容易，所以在綵排時自己也眼濕濕。她說：「本身佢哋都係計劃淋完之後要上返台唱歌，自己其實見到都好想幫吓佢，好可惜我下一part就已經要上台，真係唔好意思！」關嘉敏聞言說：「其實嗰一part好啱佢，因為佢個名叫做林俊其，『淋完都咁英俊，一啲都唔奇，林俊其』。」全場爆笑。
羅毓儀將會與袁偉豪等打頭陣演出。（娛樂組攝）
