林夏薇、徐榮、高海寧及黃翠如等昨日到電視城出席新劇《七公主》拜神儀式。夏薇表示今次角色是她入行以來最激,因為要與徐榮演一場親熱戲,更會唔著衫演出,坦言仍未向老公備案,又指因為角色情緒起伏大,已提出與老公分房瞓,笑言造人計劃要押後。
林夏薇表示看到劇本之後已「嘩」一聲,除了周旋在徐榮和鄭子誠之間,還要與徐榮演激情戲。她說︰「劇本寫冇著衫,仲要喊住,除咗要顧及唔好走光,仲要兼顧情緒。」問到林峯是否快將做老竇,她說︰「都係江湖傳聞,係都等佢哋自己講。」
翠如為了新角色需要剪短頭髮及染黑,她說︰「演律師,仲要係一個狠辣,鍾意贏嘅人。」她笑言老公蕭正楠對她的新造型不太習慣,認為予人感覺很惡。問到會否學林夏薇與老公分房瞓,她說︰「未諗喎,屋企得一張床,叫佢瞓梳化。」