2025-07-09 21:08:29

林家謙演唱會｜KOL疑炒黃牛賣貴近一倍曾自稱係林家謙fans

林家謙《White Summer》紅館演唱會加開至10場，為了防止黃牛，更以以實名抽籤公售資格，讓粉絲有機會可以原價入手門票。最意想不到的是，曾跟林家謙合作數次的模特兒Kyle在Threads公開出售林家謙個唱門票，更發文表示「有意pm信心保證」，有網民於是私訊問對方是否有飛，沒料到Kyle將1080的門票要索價港幣2500元至3000元不等。Kyle事後發文回應，予人感覺態度囂張，甚至認為自己高價放飛並沒有不妥。

Kyle曾跟林家謙數次合作拍攝，更在ig將他與林家謙合照置頂，以偶像稱呼他並留言說︰「好開心你每次都記得我每次同你接觸既第一眼都好激動。」然而今次他以近一倍價錢出售偶像的門票，似乎有違林家謙實名制抽籤賣飛的本意。

有網民嬲爆出po斥責Kyle的行為，「作為一個會同偶像合作嘅藝人，你自己唔理自己職業都好，你都諗下自己偶像點睇，自己個IG頭幾個post講到自己幾咁鐘意家謙，又叫人哋偶像，又話好開心可以合作，但你竟然轉個頭將你偶像嘅飛炒高一倍賣俾人？第二，你竟然走佢去人哋原價放俾CLS嘅飛留言R飛，之後轉頭炒飛？係咪做黃牛做到可以咁無恥？然後，第三，留言講多兩句就block人（我已被block），係俾人講中咗心虛？定諗住block 咗就無事？」

Kyle今早在IG限時動態透露自己從官方渠道購得4張林家謙門票，而他日前曾在多個PO留言，有意收購其他人出售的門價，被網民質疑他以原價入手，再以高價轉讓之嫌。及後他出PO回應說︰「笑死，啲人原來以爲我係收人原價飛再高價放」，「就算問下價都得掛」，並指「開得呢個ac出，就緊係唔想賣家中伏，先用呢個ac，你當我真係冇諗過咩，咁買唔買，個選擇係你哋到。原價出讓我就真係想睇下有幾多真呀，俾人呃返轉頭唔好喊！」

他未有就自己開高近一倍的事回應，更認為責任在於想要飛的網民身上。網民力斥Kyle公開做黃牛一事，更tag了不少曾起用他拍廣告的品牌，揚言會罷買，同時有網民發現Kyle的女友亦在網上放售門票，有一齊做黃牛之嫌。