林海峰
早前完成50場舞台劇《笨蕉大劇院》演出嘅林海峰，近期馬不停蹄再舉行個人鉛筆畫展覽，Jan亦喺展覽首日現身同fans見面。活動過後，林海峰喺社交平台分享見面活動當日一個暖心小故事。
林海峰喺活動上遇到一位支持者，對方向Jan提出喺postcard上寫佢太太個名，林答應後該名男士指太太：「佢好鍾意你（林海峰）㗎⋯⋯佢以前時時去睇你啲show㗎⋯⋯」。
「好自然咁俾咗佢一個擁抱」
林海峰聽罷不經意問一句「係咩⋯⋯咁佢做咩唔嚟呀？」對方就話：「佢走咗⋯⋯六月走咗。」雙方頓時無言以對。
林海峰喺帖文提到後續發展：「好自然咁俾咗佢一個擁抱，跟住大家互相擁抱。喺張look up postcard上面寫咗佢太太個名，合照，再拍拍佢膊頭。相信佢喺上面會收到張卡，收到你為佢做嘅，之後由心笑出嚟，然後你都係。Just look up！」Jan的暖心舉動令唔少人動容。
原文刊登於 Yahoo 娛樂圈
ADVERTISEMENT
立即更新/下載AM730手機APP 體驗升級功能
