Ad Block Ad Block
娛樂
2022-08-04 15:23:57

林盛斌囝囝曾因濕疹問題無覺好瞓 Bob夫婦被誤會虐兒

分享:
廿四孝Bob的濕疹知識豐富,專科醫生都難不了他!

廿四孝Bob的濕疹知識豐富,專科醫生都難不了他!

林盛斌(Bob)早前與囝囝林道申(Jaye Jaye)獲香港皮膚健康基會邀請,進行有關對抗濕疹的分享,這是兩父子首次一同受訪。Bob表示,答應是次跟囝囝一同出鏡,是因為囝囝經歷了一段濕疹血淚史,他跟太太陪伴打仗,很想將心得和想法分享給其他濕疹B的父母。

囝囝全身濕疹難入睡

Bob說︰「Jaye Jaye出世嘅時候,已經係幾嚴重嘅濕疹底,到佢六至八個月大左右,濕疹就開始發出嚟,一開始出喺關節呢D位,慢慢手手腳腳八成都有,連塊臉都有出。」太太曾試過一些自然療法,但沒有作用,Jaye Jaye無法入睡,差不多每15分鐘醒一次,全家也面對很大壓力。」Bob形容是「傷在兒身,痛在父母心」,「嗰時我每次見到佢𢱑到皮膚損晒、流晒血,夜晚瞓唔到嗰時喊到好淒涼,真係寧願有濕疹嗰個係我自己。最陰公係見到佢笑得好可愛,但其實佢當時係好痕、好痛、好辛苦。所以我最大嘅心願好簡單,就係仔女可以開開心心、健健康康咁成長!」

囝囝燙疹問題嚴重。

囝囝燙疹問題嚴重。

Ad Block

Bob夫婦遭醫生懷疑虐兒

最誇張的是,Jaye Jaye約九個月大時到診所檢查,醫生發現Jaye Jaye不斷長高,但體重完全沒有增加,一度以為他們虐兒,「其實原因就係瞓唔到覺,之後醫生開咗藥,等佢瞓得好啲,太太亦都有煲肥仔湯俾佢飲,好彩之後體重就有上升喇,大家都真係鬆一口氣。」

一家小朋友都有濕疹問題的Bob笑言,自己對濕疹藥物「熟晒」,但因為過往經常獲處方類固醇,內心頗為抗拒和擔心,「Jaye Jaye最近又有少少翻發,太太帶咗佢去睇皮膚科專科醫生,原來醫生話依家有一啲非類固醇藥膏,Jaye Jaye終於可以摵甩類固醇,真係深入皮膚細胞由基底改善皮膚屏障,佢最近好咗好多啦!」

Ad Block
Jaye Jaye搞鬼多怪,精靈活潑,似足爸爸阿Bob。

Jaye Jaye搞鬼多怪,精靈活潑,似足爸爸阿Bob。

請接受以下私隱政策及免責聲明,以示你同意am730內之私隱政策及免責聲明。了解更多
接受