Bob遇上驕徒，直言千年道行一朝喪。
騙案手法曾出不窮，早前林盛斌(阿Bob)的聲音被騙徒用AI複製成功，今次再遇到一單連他亦覺得有需要報《東張西望》的騙案。Bob表示其經理人收到一個來自老人院負責人的查詢，希望可以找Bob為老人院拍廣告，而且更表示用Bob的廣告公司去處理，經理人於是跟對方聯絡及溝通，沒料到約好時間，Bob、經理人連同廣告導演去老人院傾詳情時，始發現是騙案，根本沒有所謂的工作企劃及相關人士。
Bob表示跟經理人等去到老人院方知受騙。
阿Bob直言當時跟經理人及廣告導演「進入咗懷疑人生嘅狀態」，他慨嘆︰「真係千年道行一朝喪，出嚟撈咗20年，第一次遇上呢啲點估都估唔到嘅劇情，喺度奉勸咁多位幕前同行，包括經理人同助手，原來呢個世界上真係會發生呢啲咁荒謬嘅事。我估一定會有人話：『下次收到卡片，都上網查吓間公司同埋電話係咪真，又或者打去人哋個總機度，check吓有冇呢個人囉！』講真，事後孔明就梗係容易啦，我都諗到啦，但係當每日都會收到唔同渠道嘅工作查詢，又真係好難個個都咁樣做，同埋如果真係打去，對方又係真嘅，又會搞到件事好怪同好尷尬。雖然我唔知道呢啲算係騙案定係惡作劇，亦都唔知道點樣可以叫大家小心避免呢啲事，總之，就係要執生啦，唉，黐鬼線！呢單嘢，真係好癲。」
Bob帖文一出，有部份網民表示有相同經歷，甚至有網民同出疑似騙徒的照片。網民對於騙徒這樣做的目的大感困惑，Bob說︰「 唔知啊，貪過癮咁囉」、「玩X我」，並對經理人付出的心血白費大感難過。
Bob出示自己收到的卡片。
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
