陳楨怡
早前有傳媒指，港姐林鈺洧、陳楨怡同埋TVB旗下歌手譚嘉儀，出席上市公司執董搞嘅「富豪飯局」。報道指搞手係股壇高手，有意將生意版圖擴至娛圈，而譚嘉儀、林鈺洧及陳楨怡喺飯局當晚都以短裙上陣。
而有網媒就聲稱「有讀者報料」話當晚唔係「富豪飯局」，而係幾位商人同慈善機構約埋藝人食飯，傾吓派月餅活動安排。而根據早前報道，譚嘉儀、林鈺洧同陳楨怡的確參與過喺深水埗向長者派月餅同消毒用品嘅活動。
林鈺洧被封為「性女港姐」
自從星夢老細何哲圖Herman離開TVB之後，「巨聲幫」嘅譚嘉儀頓成「孤兒」，加上公司改捧「聲夢幫」炎明熹、姚焯菲等小花，變得更加失勢。
而2022年港姐冠軍林鈺洧因為曾經自爆有過多位性伴而被封為「性女港姐」，甚至傳出歷屆港姐組成嘅「慧妍雅集」嫌林鈺洧形象太差而唔邀請佢。至於陳楨怡就因為被疑似男友周子揚踢爆「表面斯文內裡open」，形象直插谷底。
原文刊登於 Yahoo 娛樂圈
