梁敏巧性感現身《神奇4俠：英雄第一步》首映禮。(娛樂組攝)
MCU全新階段頭炮《神奇4俠：英雄第一步》(The FantasticFour: First Steps)，昨日(22日)於迪士尼舉行首映禮，梁敏巧(Maggie)以一身低胸吊帶裙性感亮相，她自言向來是fans，很想擁有隱形女俠的能力，半說笑指隱形後可大膽「𥄫大隻仔」。談到熱播中的《女神配對計劃》，Maggie劇透指Dating Camp將有不少精彩環節上演，對於剛播出的第七集，Maggie大讚林堡熙(Edddie)是好男人，對葉蒨文(Sophie) 死心塌地，又愛屋及烏，出盡力扯大纜為Maggie組別爭勝。
葉蒨文三角關係 食花生
Maggie爆料《女神配對計劃》參加者上星期曾相約聚會，「就算Sophie 坐GM(曾展望)離籬，Eddie都要坐Sophie對面，anytime眼神都唔可以離開葉蒨文，Eddie真係好男仔。(食花生？)梗係！三角關係喎。」對於Sophie和GM被拍到在三號風球下，拍拖到戲院睇《超人》(Superman)，Maggie就鬼馬答道：「呢啲嘢就等佢哋自己發布啦，不過監製早排就放監，我哋點約會都無問題，盲嘅都睇到佢哋有feel，大家有意思，食飯睇戲都唔出奇。」她形容兩人郎才女貌，樣貌與性格都襯到絕，至於是否拍拖，就由他們公布。
開心獲女生讚
Maggie自爆對其他組別男生也有好感，但未有正式相約出街見面，「有feel都會出街，唔抗拒。」談到早前改造型獲大讚，她興奮表示，「最開心係好多女仔讚我靚，因為女仔好少讚女仔，係好高評價。」但她表示早前減去8磅後，擔心反彈，每日僅吃一餐，「朝早飲咖啡，可能太肚餓食多杯Yogurt，直到dinner才食，最辛苦係我好鍾意食甜品。」
ADVERTISEMENT
送香港迪士尼樂園20周年限定精品及一日門票！
