Ad Block Ad Block
娛樂
2023-01-10 15:41:41

楊卓娜VS謝安琪45歲人妻大對決!網民一面倒投楊卓娜

分享:

楊卓娜VS謝安琪45歲人妻大對決!網民一面倒投楊卓娜:Kay開始似邵音音

連登論壇嘅一班連登仔不時發起女神選舉,近日就有網民以「兩位45歲人妻大對決! 楊卓娜 VS 謝安琪」為題出PO,將同樣係45歲嘅楊卓娜和謝安琪作比較,一人一票投選出最索人妻,PO主更講明今次大對決係以近年嚟計,唔係鬥全盛時期。截至1月9日晚上11時,楊卓娜以近2468票抛離謝安琪1335票,有網民仲叫謝安琪讓位。

楊卓娜被讚:嗰種媚態超正

有「最強繼母」之稱嘅楊卓娜與「燈箱大王」男友楊志翹拍拖12年,即使未完婚,但生活幸福美滿。楊卓娜更曾透露男友經常求婚,二人將於明年辦喜事。楊卓娜愛情得意,演藝事業亦陸續被觀眾賞識,即使多飾演配角,但演技仍然被大讚,例如去年於《童時愛上你》、《美麗戰場》及《超能使者》等多套劇集中嘅表現都被指有驚喜。楊卓娜更加保養得宜,一班網民都盛讚佢有女人味,對眼好似識講嘢咁:「楊卓娜嗰種媚態超正」、「對眼好似會吸我入去咁」、「一定係娶佢做正印」等等,又有網民表示自己識楊卓娜:「真人好身材又好靚,份人亦nice。」

楊卓娜 楊卓娜 楊卓娜 楊卓娜

謝安琪被批走樣

謝安琪2007年與張繼聰結婚,育有一子一女。結婚15年,張繼聰將其全部收入上繳,保持拍拖追求謝安琪嘅心態,係娛樂圈中數一數二嘅模範夫妻。不過二人嘅戀情一開始並不被看好,不但因為係姊弟戀,加上當時謝安琪正值事業上升期,被指女尊男卑;隨着張繼聰發展成為多棲藝人,接拍更多廣告,慢慢令網民接受呢段戀情。不過,一班網民就認為謝安琪近期走晒樣,仲指佢髮型不斷出事:「女人咁上下年紀真係唔可以染金毛」、「近年低質咗好多」、「不嬲都唔高,硬照靠PS,上鏡靠重裝甲,都唔知點解一班人當女神」、「謝安琪宜家開始似邵音音」等等,又有網民重提謝安琪於叱咤樂壇流行榜頒獎典禮唔唱歌事件。

謝安琪 謝安琪 謝安琪 謝安琪

原文刊登於 Yahoo娛樂LOL,am730獲授權轉載

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受