Ad Block Ad Block
娛樂
2022-12-21 15:30:00

法證先鋒V|蔡潔「翻版李佳芯」被洪永城Mean爆攻擊致場面尷尬:人哋靚好多

分享:

 

影片截圖

蔡潔一向都有「翻版李佳芯」之稱,仲有網民曾經以「殘酷二選一」為題發文將蔡潔與李佳芯比較,不過日前蔡潔竟然被洪永城攻擊:「我覺得人哋靚好多」,場面一度尷尬。

《法證先鋒V》一班演員蔡潔、洪永城、黃宗澤、袁偉豪及蔡思貝,為宣傳劇集現身於YouTube頻道「See Saw先」接受「EQ訓練營」考驗,互相Mean爆提問,而蔡潔成為今集被攻擊目標。袁偉豪直言蔡潔化妝技巧高超,個樣每次都唔同。蔡潔則回應:「係啊,我化妝技巧真係好好㗎,我覺得我自己都適合做演員嘅,總知就嗰樣比較普通」,黃宗澤聽罷忍唔住話蔡潔竟然可以咁樣兜圈讚自己。之後,黃宗澤又指有個出名嘅剪片師發現每次剪片見到蔡潔,佢都係被人強姦,追問係咪個人專長,洪永城又補多句:「係咪好識得演?」蔡潔則用上「八公」形容洪永城:「我梗係識演,因為我冇試過,只能夠演囉,係咪?即係演技都唔錯。」

洪永城:人哋靚好多

洪永城與黃宗澤繼續夾攻蔡潔,串爆佢當年拍下嘅YouTube短片《關於我的20件事》,直言:「你覺得點解有人想知你嗰20件事呢?」蔡潔被攻擊至體無完膚,作狀擦眼淚表示有啲想喊:「我都想講係冇人想知我嘅20件事,咁樣,我都想喊呀!」其後又提到撞樣李佳芯,洪永城就表示:「我個人就唔覺得,因為人哋靚好多。」為化解尷尬,蔡潔附和指自己都覺得李佳芯靚好多,著大家幫佢平反:「好多人喺我個page度話『你唔好成日扮佢,同埋一啲都唔似佢呀』,跟住我咪話『係囉!終於有人出嚟同我平反』。」蔡思貝見狀,即時打圓場:「似嘅唔係外貌而係氣質,兩個都斯斯文文,氣質女神嗰種。」,希望化解咁尷尬嘅場面。

影片截圖

▼蔡潔

蔡潔 蔡潔 蔡潔 蔡潔 蔡潔 蔡潔

▼李佳芯

李佳芯 李佳芯 李佳芯 李佳芯 李佳芯 李佳芯

原文刊登於 Yahoo娛樂LOL,am730獲授權轉載

請接受以下私隱政策及免責聲明,以示你同意am730內之私隱政策及免責聲明。了解更多
接受