洪嘉豪新歌《親愛的》自己包辦曲詞。
洪嘉豪終於推出今年第2首歌曲《親愛的》，中慢版節奏的抒情歌，一直是嘉豪最強項。《親愛的》同樣由他包辦曲詞。「今次呢首係rock少少嘈少少嘅抒情歌。至於歌詞方面，我諗到世上好多唔開心嘅人，仲有我。咁點去度過唔開心嗰晚，之後捱到天光。其實歌曲表達係夜到早嘅過程，歌詞係唔可以有重複。即係愈嚟愈近會見到曙光。」
流感想起遺憾
歌詞沒有重複，代表詞中意思甚多。正如嘉豪說，歌詞內容好多。「我成日問自己，想『及時行樂』抑或『未雨綢繆』。我早前中咗甲型流感，實在好辛苦。如果有咩事，我會有咩遺憾？原來，我係冇真正享受生活。」嘉豪在MV中飾演燈箱師傅，工作期間遇上因感情事服藥至夢遊的女子，嘉豪就決定跟隨、保護女子。「我信每個人都有悲傷時候，幾正能量都係，而我亦係唔太正面嘅人。其實冇辦法，捱咗佢又或者瞓咗佢。我想借呢首歌同大家講，我同你一樣都會經歷呢晚。」
ADVERTISEMENT
20周年「全城撐本地消費3重大激賞」！ 即睇活動詳情！
