清水健於2015年8月開設「屎味咖喱」專門店，不夠半年已宣布執笠。
已經退役的日本AV界天王清水健，曾亮相ViuTV節目《花姐ERROR遊》，親自主理「屎味咖喱」及「咖喱味屎」，還在節目中向193郭嘉駿親自餵食，畫面夠晒震撼。清水健被指有愛食排泄物的變態怪癖，更被當地業界人士踢爆因食太多曾三度入院，一度危及生命，從而被封為「食屎達人」。
負評第一位
清水健於2015年8月在東京世田谷區千歲船橋開設「屎味咖喱」專門店Curry Shop SHIMIZU，初時有不少食客抱住好奇心慕名而來，獲高校生到50代男女幫襯，一個月逾300名客人，九成食客品嚐「屎味咖喱」也成功完成壯舉，當時惹來日本及海外傳媒，包括CNN亦有爭相報道。
不過經熱度過去，該店食客大減，更在日本權威飲食平台Tabelog中約80萬間餐廳中排名包尾，開業不夠半年因蝕本遂宣布執笠，2016年1月4月正式關門大吉。趁住「屎味咖喱」專門店10周年，清水健在社交網發文重提舊事，他更透露有新計劃，有意再開「屎味咖喱」專門店，並瞄準入境遊客，不過網民對他的目標不甚睇好。事實上，近年已有生產商推出即食「屎味咖喱」，是否有市場需要實在存疑。
ADVERTISEMENT
立即更新/下載AM730手機APP 體驗升級功能
