譚俊彥與狄龍及媽媽陶敏明一齊出席活動。（娛樂組攝）
狄龍與譚俊彦父子（Shaun）檔為無綫拍攝《家傳之「保」》宣傳，媽咪陶敏明亦有到場支持。大會用AI測試狄龍與孫保相似程度，Shawn更爆囝囝跟狄龍在眼袋下有一條線，自己就沒有遺傳到。狄龍一向對Shawn非常嚴格，但對孫仔似乎特別歡容，每當Shawn講完之後，狄龍再次補充幾句，內容不離一些做人親理，令Shawn不禁在台上大呻「孫仔點都好嘅。」
由於狄龍入行前曾當裁縫，因此節目組安排Shawn學做裁縫，他在記招提到今次裁縫體驗，令他發現狄龍的身形跟以前不同了，加上他的左手受過傷，左手比右手的尺寸也不同，同時也要穿長袖遮住。
狄龍不言休
兩父子受訪時，狄龍不時訓示Shaun，而Shaun也會間中反駁，非常有火花又搞笑，認真無仇不是父子。譚俊彥亦不忘高呼「梗係啦你咁惡！」早前狄龍在《第八屆馬來西亞國際電影節頒獎禮》奪終身成就獎，他說：「呢個獎係時間到，最緊要有知音鼓勵自己工作時間夠長，要好好休息，安享晚年！我依家都有同太太講我只會微退，有啱嘅劇本、工作，或者社會需要我，我都奮不顧身，努力前行。
狄龍父子有趣對話節錄：
【同場拍攝好撈攪】
問到狄龍相隔9年再跟兒子拍節目的感受，他就投訴非常「撈攪」。
狄龍：佢（譚俊彥）係現場好多限制！唔俾我太辛苦，話我一見到個鏡頭就好著力！我話人哋咁遠嚟到，人哋要養家，我唔著力啲，人哋會失望
譚俊彥：嗰陣有幾個內地嚟嘅朋友，佢係度俾利是，我想保護佢啫。
狄龍：俾利是人係好事！
譚俊彥：你會令人亂諗！
狄龍：如果呢個世界有人亂諗係好事！但我初心不變，我唔會做歪。
譚俊彥續解釋狄龍不常用手機，不太知道網上資訊，擔心有其他人別有用心，怕他被人呃。他稱狄龍要不是要覺孫仔孫女的照片，到現在仍可能不是用智能手機。
狄龍與譚俊彥在訪問中不時互窒。（娛樂組攝）
【投訴唔打電話】
狄龍：佢好驚我打電話俾佢！佢話咩事，我話無咩事，問候下你啫！佢亦都好唔鍾意我打電話俾我！通常都係通過媽咪同我講幾點飲茶、食飯乜乜乜，佢依家驚咗我！
譚俊彥：佢有威嚴！
（兩父子靜了2秒大笑）
譚俊彥：講笑！佢比較⋯⋯
狄龍：係嚴肅啲
譚俊彥：其實佢有時幾幽默
（通常幾時一次講電話？）
狄龍：一個月
譚俊彥：佢都唔拎電話 （苦笑）
狄龍：其實佢做嘢已經好忙，打電話騷擾佢會唔知點處理
譚俊彥：我個面故仔係佢唔聽電話，佢搵你嘅時候，一定要搵到！
狄龍：我通常透過你太太話俾佢知，我關心下佢啫！
譚俊彥：佢會同我老婆溝通，之後有啲說話，老婆會話番我知！
狄龍：嗱！做人要公道啲，要知道前因後果，要知道呢個係寶嚟！只可以有今生，無來世！要大家珍惜。你之前打風都無打電話問候我！你有打電話問候媽咪！
譚俊彥：佢依家進步，呷醋會講！
狄龍與譚俊彥相隔9年一齊拍節目。（娛樂組攝）
【一提粒孫開心晒】
狄龍被問到會否支持孫仔孫女入行，他提起孫兒便大讚不停，指他們吸引能力好，表演慾亦很好，又讚他們很聽話！譚俊彥即搵位入說：「梗係啦！你咁惡！」狄龍即駁稱要嚴格才能有好的子孫。譚俊彥說：「佢係嚴格！」
狄龍左手曾斷了三節，譚俊彥稱爸爸當年很努力傷癒後，努力操手臂，很欣賞他的耐力。（娛樂組攝）
ADVERTISEMENT
立即更新/下載AM730手機APP 體驗升級功能
