王宗堯被判刑6年2個月，小食店由妻子繼續經營。
王宗堯因暴動罪成，上周六(16日)被判囚6年2個月(74個月)。有不少食客於周末到他與妻子Julia在太子開設的小食店(HappyBelly)幫襯，而Julia仍有落舖在廚房打點，刈包和冷泡均告售罄。小食店昨晚公布「見攰就唞」，今日(18日)休店一天。
設信箱轉遞心意
小食店官方社交平台上載老闆王宗堯專心工作的相片，寫道：「近日唔知大家有冇成日喺街度見到呢幾隻字 "見攰就唞"，最近真係有啲攰啦，18/3星期一全店休息一天，星期二再為大家服務。」隨後亦分享寫有「見攰就唞」大字報的相片。早前王宗堯還押期間，店舖擺放了「老闆信箱」，供食客傳遞心意，小編表示，「好多謝大家踴躍咁寫信，等老闆安頓好之後我哋會安排送到佢手上。好多謝你哋每一位嘅支持同關心，希望各位都繼續好好生活。」