王智騫(Martin)和范麒智(Kenji)最近參與台灣BL劇《靈魂約定》演出。
王智騫(Martin)和范麒智(Kenji)最近參與台灣BL劇《靈魂約定》演出，Martin接受《am730》訪問大談新劇角色：「今次我會一人分飾兩個角色，分別係夏澤方、夏茶，其中一個角色就係由細到大都冇爹哋媽咪照顧，有一個好溺愛佢嘅公公照顧，想要啲咩都會滿足佢，令到個人嘅價值觀會有少少問題，會不擇手段去爭取自己想要嘅嘢，變成一個好極端嘅人。」他亦分享另外一個角色需要面對親人離別之痛。
王智騫(Martin)會在劇中一人分飾兩個角色。
Kenji分享今次在新劇中飾演的角色：「霸氣主動，而且反差感都幾大嘅一個人，我同Martin做一對CP。我喺呢套劇要演出一個完全冇表情嘅人，到後期變咗一個好主動死纏爛打嘅一個人，呢個過程裏面用咗好多唔同嘅方法，令到觀眾知道原來呢個角色會有呢個轉變。我都特登去咗台灣嗰度觀察啲學生係點樣生活同埋講嘢。」
Kenji在劇中演一個完全冇表情嘅人。（娛樂組攝）
王智騫拍BL劇獻出第一次床戲
被問到拍BL新劇的尺度，Martin表示：「接呢一齣戲尺度唔係喺我考量嘅範圍之內，本身知道個對手係邊個，所以亦都覺得好彩同Kenji一齊接，如果係其他人會考慮就應該好大，因為呢幾年同Kenji建立嘅信心同埋默契，喺我哋嘅關係上做乜嘢都會覺得冇乜所謂，因為我哋係好兄弟。」Martin繼續分享：「呢套劇去到中後期嘅時候開始會見到會有好多人需求，有好多打鬥劇情去爭奪我。最後一集會有我人生第一次演出嘅床戲登場，尺度唔算好大。」Martin分享導演若果認為親熱鏡頭畫面不夠就不會停機，並笑言：「由得我哋繼續錫錫，錫到我哋覺得夠為止，可能真係錫到拍幾個鐘。」
Credit：
Wardrobe：
Martin: @mm6maisonmargiela @solidhomme @harveynicholshk @christianlouboutin
Kenji: @dunst_official @harveynicholshk @christianlouboutin
Stylist: Dom Cheung @justdom___
Makeup:
Sakura Chow @sakura.c_official（Martin）、Agnes Yeung @agnesypw（Kenji）
Hair: AL Leung @allhs__（Martin）、 Oscar Shek @oscarshekhair（Kenji）
范麒智難忘流鼻涕落Martin塊面
Kenji則回應：「對於香港人嚟講BL嘅世界可能香港冇接觸咁多，所以會覺得啲畫面可能會好勁，但對於台灣呢個地方對於BL嘅市場，我哋淨係答到佢哋正常要有嘅攬攬同錫錫畫面。」Kenji指與Martin有共識想嘗試拍BL劇，所以有向公司提出希望能夠參與演出。」Kenji印象最深刻是在新劇中需要挑戰演出崩潰的戲份，並坦言：「鼻水都流晒出嚟，仲跌埋落Martin塊面度。」Kenji憶述拍攝最難忘的地方：「冬天嘅時候要喺台灣拍游水嘅戲份，凍到個嘴都會發紫，要補番個嘴變返紅色。」
ADVERTISEMENT
😋請你嘆香港迪士尼20周年下午茶👇立即登記👇
