前亞視小生甄志強10月21日於上海離世，終年59歲。
前亞視小生甄志強10月21日於上海離世，終年59歲，其太太方心媛今天（31日）發訃文公布丈夫死訊。甄志強曾經是亞視小生，最深入民心莫過於在劇集《碧血青天楊家將》飾演展昭，獲觀眾封為「最帥展昭」，除此之外，他亦曾兩度效力TVB，第二次離巢是於2022年，因事業發展不順，收入不穩定而灰心離開。
一年3幾萬收入
甄志強當年接受電台節目訪問表示曾回去TVB一段時間，但工作不開心，冇存在感，收入也不穩定，他說：「唔係做得咁開心，好似有我又得無我又得，同時間又搵唔到錢。老實講，當年喺亞視份人工都ok，問題係食飯搭車嘅錢都唔夠喎，又要養車同供樓，一年搵得個三幾萬，你話喺呢間公司做咩呢？」他直言工作量少令他很灰心，所以不想再留低：「可能係工作量唔夠，令我捱唔到生活，當年養架車都成萬蚊一個月，又要去供樓。」而甄志強離開TVB後，一度與朋友合夥做生意，曾於元朗做餐廳，又在在國內發展餐飲業，近年他亦間中回港客串角色過戲癮，包括ViuTV《詭探》以及網劇《PTU機動部隊》。
