曾與陳冠希相戀的黃榕(左)，稱想效法對方做潮流生意。
林雅詩、李日朗及黃榕等，昨日於荔枝角出席開幕活動，與林雅詩談到她經營的時裝店結業，損失了六位元數字金錢，她說：「雖然有啲心痛，不過明白做生意有賺有蝕，當買咗個經驗，最近有朋友搵我合資開餐廳，依家考慮緊會唔會入股。」最近英國疫情漸趨嚴重，林雅詩兒子正在英國讀書，令她非常擔心，「個仔仲要上堂，所以暫時冇考慮叫佢返嚟，不過經常有同佢視頻，提醒佢做好保護措施。」
李日朗轉型當KOL略見成績
李日朗最近轉型當上KOL，在網上促銷食物、護膚品及珠寶等，問他成績如何，他笑說：「嗰個商家就賺到，因為每件貨我要會買咗先，以前出唱片都係，公司都叫我自己買第1隻。」李日朗稱，他促銷的珠寶由幾千到幾萬，又指最初不習慣當KOL，他續說：「要連續幾個鐘直播，不停同人講件貨有幾掂，最唔慣呢方面，不過可以增加收入，又可以建立另一門事業。」