早前一班粉絲為本月20號生日的鍾舒漫(Sherman)舉辦派對，預祝生日，又找來Sherman的朋友和同事拍片，包括洪卓立、許靖韻及江若琳等，向她送上生日祝福及分享心底話。
被問到今年歌迷會成立10周年，有何感受，Sherman指：「佢哋話一心想整喊我，我怕一喊就收唔到聲，所以忍喊忍得好辛苦！」她又話有粉絲支持自己十年，由她第一首派台歌開始，「佢話覺得我機關槍式唱腔好煩，所以留意我，到每逢唔開心會聽我唱歌，從而得到正能量，聽到都覺得好感動！」
正日與家人過
至於正日生日，Sherman表示人愈大，生日反而想與家人度過，「本來諗住簡簡單單一家人食餐飯慶祝，但晚餐後，妹妹為我搞咗個神秘派對，叫咗我一大班好朋友嚟，都幾surprise！」至於又大一歲，屋企人有無催婚？Sherman就笑笑口話：「呢啲事催都無用㗎！」
粉絲將Sherman歷來的照片鑲入相框，排列成心型掛上牆，Sherman大讚有心思。