王梓軒的《CROSSING 源‧樂 演唱會》明天開鑼。綵排了三個多月，昨天梓軒終於可以再踏上會展舞台綵排，佢拎起小提琴時，百感交集，梓軒話：「7年前，我都係喺呢個舞台上開首個演唱會，今次再踏上台，好多回憶湧晒出嚟，音樂總監同上次一樣都係我師傅趙增熹，7年前，佢對我好嚴謹，我好緊張，真係打醒十二分精神去做，但今日再同師傅合作開騷，感覺完全唔同咗，我冇嗰種壓力嘅緊張，我見到師傅同其中一位最細年紀嘅小朋友練歌時，我仲見到佢好有父愛，其實呢個騷真係好有愛，我聽晚同後晚會用二百分力去演出，希望入場嘅觀眾enjoy。」
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
