《利瑪竇》的兩位主創王梓軒及劉松仁，今日一起見傳媒。(羅錦雄攝)
由劉松仁擔任藝術總監、黃俊達執導、王梓軒及陳潔儀主演的音樂劇《利瑪竇》，今日舉行記者招待會，並預演主題曲《The Journey》。早前曾被傳中風的劉松仁，席上精神奕奕，身兼藝術總監的他自嘲是打雜。
王梓軒指近日開始密集式排練，又透露新加坡天后陳潔儀已加入團隊進行綵排，他又表示今次《利瑪竇》的演出，規模比前兩次更大，台上表演者多達200位。導演黃俊達笑言，松哥經常教導台前幕後工作人員：「松哥成日話唔知可以留低幾多嘢俾我哋，其實佢教咗我哋好多嘢。」
王梓軒與成員，席上預演主題曲《The Journey》。(羅錦雄攝)
舊愛離世 都要接受
問到松哥的健康狀況，能否應付繁重工作，他說：「藝術總監係符碌嘅，其實我覺得自己係打雜，咩都要做。」對於早前身體出問題的傳聞，松哥說：「有啲報道話我死咗㖭，熟悉我朋友會知消息真定假。」談到其舊愛李影離世，松哥說：「每個朋友離開都會唔捨得，生老病死係定律，都要接受。」
王梓軒稱是次《利瑪竇》的演出，無論視覺還是聽覺效果亦有所提升，他非常期待今次公演：「就算同一個劇本，唔知點解都好似唔同咗，好似又明咗啲嘢，多謝松哥又教我哋嘢。」松哥接著說：「人生上嘅嘢，面對困難嗰陣要承擔面對，唔好企喺度，繼續行、繼續推動，上天會帶領我哋。」
松哥希望《利瑪竇》可以輕量版上演，免卻經濟上負擔。(羅錦雄攝)