羅力威分享「高敏兒」囡囡特質 。
羅力威與太太雨僑早前到新城廣播，接受羅沛琪（Pinky）和麥卓華（小麥）主持的《寵愛您》訪問，羅氏夫婦除了大談家中愛貓，分享「高敏兒」愛女擁有超強記憶力之外，一向不擅詞令的羅力威公開向愛妻發表愛的宣言。
羅力威和雨僑婚後誕下現年5歲女兒Harper和2歲兒子Harvey，家中亦飼養了一隻15歲的異國短毛貓「燒燒」，羅力威婚後才跟「燒燒」住在同一屋簷下，花了一段時間才跟牠混熟。自從雨僑懷有大女兒，由於不方便蹲下及接觸貓沙和便便，羅力威擔起照顧貓兒的責任，他說：「呢隻貓的確好得意，好嗲又溫純，佢唔似一般貓咁敏捷，所有嘢都好慢，同我生活節奏好似。」
羅力威和雨僑近年將重心投放家庭，暫不考慮活躍幕前。
談到患有高敏感特質的女兒，雨僑透露囡囡特別在意衛生，她表示：「因為佢出世時隻貓已喺度，所以佢都接受，不過見到地下有貓沙，佢就唔會踩落去，或者見到貓貓眼水印到牀單，佢就會避開，整體上佢都係好有愛心嘅小朋友。」子女們不會跟貓咪爭寵，更會將心愛玩具與貓咪一起玩，連弟弟也展現出對貓貓的愛心，不過雨僑就爆料：「家姐話想養多隻兔仔，但我唔想，驚處理唔到咁多，始終係兩種唔同動物。」
經過跟貓貓多年相處，羅力威已是『貓奴』，他近日創作了新歌《悠揚一曲》，一手包辦曲詞編監，講述寵物離別的傷心，羅力威表示：「新歌講貓貓，將離別嘅傷心組成創作一部分，同時將傷心轉化同過渡。」羅力威除了邀請兒童合唱團合作，女兒也有份獻唱，他大讚：「囡囡一聽個旋律，已經記得晒首歌，佢記性好好，例如朝早喺車上聽到首韓文歌，佢夜晚做功課時可以哼出嚟，未必完全準確，但聽得出係朝早聽嘅韓文歌。」
羅力威和雨僑近年將重心投放家庭，雨僑為照顧家人，暫時並不考慮活躍幕前，她說：「有合適工作先做，小朋友頭幾年陪伴、教育同照顧都好重要，疫情期間冇得出街，放寬咗之後經常有共聚時間，又可以去旅行，都好開心同滿意，現階段好享受生活。」羅力威坦言家庭生活帶給他很大改變，更勝從前，他說：「過往好似唔係好帶住個腦，工作時有公司同事安排，冇乜特別諗個目的，𠵱家冇公司約，所有嘢好唔同，有好多空間，付出好多努力創作、照顧家庭同工作，以前覺得冇需要，又冇空間，但遇到太太後，人生有咗意義同追求，呢一刻好幸福美滿。」
羅力威感激老婆令他改變。
ADVERTISEMENT
20周年「全城撐本地消費3重大激賞」！ 即睇活動詳情！
