肥媽70歲生日，獲《中年好聲音》送上驚喜。
肥媽於本月18日迎來70歲生日，當日她與黑妹李麗霞、韋綺姍、陸浩明等食飯見面，車婉婉與《中年好聲音》參賽者更一齊為肥媽炮製驚喜，令肥媽非常開心。
肥媽昨日上載生日飯局的影片，其中一條片見到車婉婉與涂家堯、羅啟豪等入場跟肥媽慶祝。她留言說︰「明明話係公司食飯，第二日明明要工作，食完就梗係走㗎啦，一嗌走大家又話唔畀走，嗌咗走幾次都唔俾走，我問點解，Agnes又話唔好問點解！突然間大家同我唱下生日歌，又突然間成班中一生走咗入嚟，真係好驚喜！」
肥媽之後再上載陸浩明唱歌的影片，見到他努力唱出容祖兒的《麻煩你》，肥媽更多次聽到皺眉頭。唱完之後，陸浩明叫肥媽以《中年好聲音》的準則去評價一下，她說︰「成日走音，個音唔準，個音控制唔住，感情都好飄忽，佢應該練咗好多次，真係有進步嘅！」肥媽更應對方要求給予分數，點知僅得10分，陸浩明大為失望，表示「搞錯呀！我睇咗咁多次《中年好聲音》先得10分！」場面非常好笑。
肥媽留言說︰「特別係阿6，當我一直嗌走嘅時候，阿6決定駛出絕招， 將佢苦練嘅唱功都要拎埋出黎，老老實實，唱到我真係想走，不過誠意加分！繼續加油！」
