肥媽自比李玟爆《中年好聲音》分數曾出錯 網民鬧爆：又抽水
早前逝世的李玟，生前一段控訴《中國好聲音》黑幕錄音曝光後，事情不斷發酵，節目製作單位母公司星空華文的股價大幅蒸發，《中國好聲音》上周五宣布停播。而為TVB同類節目《中年好聲音》擔任評審嘅肥媽（Maria Cordero)，近日喺內地社交媒體小紅書大爆自己都有類似李玟嘅經歷！
肥媽︰不允許走音的人拿第一名
肥媽表示，有一次《中年好聲音》錄影時，俾一位參賽者18分，但節目組將佢俾嘅分數放上大屏幕時，只係打17分。肥媽話自己當時當眾指出錯誤，要求馬上改正，獲得觀眾支持。
肥媽又話有人同佢講某啲《中年好聲音》參加者係邊個嘅親戚朋友，但肥媽霸氣話唔受任何人影響，「不允許走音的人拿第一名」。
肥媽講到義正辭嚴，但係網民似乎唔多buy，認為佢「借死人抽水」。早前肥媽好友Nel Nel張學潤逝世，肥媽聲淚俱下拍片提及好友輕生前遭遇財政及感情問題，但後來被家屬要求刪片。
原文刊登於 Yahoo 娛樂圈
