GM與Sophie深受客戶歡迎。（娛樂組攝）
葉蒨文（Sophie) 、曾展望(GM)昨日(28日）出席《TVB同行新世代節目巡禮2026》，二人大受客戶歡迎，與他們合照的人長排長有。在他們受訪期間，關嘉敏突入，問他們何時結婚、生子，Sophie表示「等關嘉敏先！」之後關嘉敏再問他們今次有沒有兩個人去三個人返，GM即謂：「我哋分床瞓⋯⋯」話未說完，Sophie說：「我哋就算唔會日本都好，都會努力做人，好好做人！」在旁的GM即場被Sophie的說話嚇了一跳，非常搞笑。
《女神配對計劃》開拍第2輯。（娛樂組攝）
日本之旅成真眼濕濕
提到他們日本之旅，Sophie表示非常開心，「好似發咗一場夢咁，知道有得去之後，已經好開心，我就係咁諗係點㗎呢？有幾次都眼濕濕。到埗之後，落到街都覺得好感觸。」GM表示今之擔任導遊角色，主要希望Sophie開心，Sophie聞言大讚他做得非常稱職。GM表示有大概計劃去哪裡、食甚麼，但因為成行的時間比較急，有些餐廳已經來不及訂。GM表示很開心也去到Sophie想去的京都及環球影城。
Sophie表示知道今次出發比較趕急，前後只得3天，有跟GM說不要趕行程，冧爆說到：「有佢同我去已經好開心，做咩食咩都唔係最緊要，係同邊個去最緊要，如果唔得咪下次！」GM聞言說：「有你就得啦！」而Sophie就大讚GM攝影技術了得，令她看上去更美麗；GM就笑謂自己的技術是考驗她的美貌，「睇下可以扣幾多分，點知扣極都咁高分」。
雙方關係更進一步
Sophie坦言經過今次旅程，雙方的關係更親密，「我覺得我哋嘅睇法、品味、審美都好相近。我之前都有提過希望可以搵到一個人生伴侶，可以陪我去吃喝玩樂體驗人生，GM係一個好好嘅夥伴！我哋食嘢都會傾下，交流好多嘢，好平凡生活都好開心。」GM更不忘表示公司可以找他們拍飲食節目。
GM親解情侶passsport套
提到他們的情侶passsport套，上面的公仔是取自去年台慶的一張合照。GM說：「自己整嘅，個甫士有啲耍花槍感覺，我好鍾意呢種感覺，個張相拍嘅moment都好特別，因為嗰陣我同佢都唔係特別熟，只係開始拍CP，於是就影俾fans睇。」Sophie續說：「打情罵俏個下好似有啲戲假情真咗，所以好值得記念，而且收到嘅時候好開心，因為係一種承諾，喻意會帶我去日本咁。」
