2025-12-24 09:00:00

葉蒨文曾展望連續兩日拍節目攰到病倒平安夜活動要取消

葉蒨文(Sophie)、曾展望這對cp深受客戶歡迎，每日行程近乎排到滿滿，單是今個月，Sophie已經連續出席多個公開活動。不過，近日天氣忽冷忽熱，加上體力透支，最終病倒收場。Sophie與GM只好忍痛宣布未能出席飲品店舉行的聖誕情侶活動。

Sophie在社交平台留言表示她與GM同告身體不適，活動需要延期。她說︰「知道好多朋友已經期待咗好耐，真係好對唔住大家！我哋都好期待同大家一齊過聖誕，但為咗唔影響活動氣氛同大家嘅健康，決定改期舉行。詳細嘅新日期同安排，會盡快同主辦方商量好再通知大家。希望各位粉絲朋友體諒，呢個季節都好容易病，大家都要保重身體，注意保暖！多謝你哋一直嘅支持同理解，我哋會好好休息，盡快以最好狀態同大家見面。」

過去兩日，Sophie與GM連同其他《女神配對計劃》成員齊齊到嘉年華拍攝，從網民拍攝的影片所見，不少人在碰碰車上睡著，羅毓儀挨著林俊其睡，Sophie與李芷晴亦都各自在碰碰車上「釣魚」。其後林盛斌上載大合照時，見到Sophie與GM一臉倦容，相信已經開始作病。不少fans紛紛留言希望二人多些休息，早日康復。