曾展望與葉蒨文一同入圍男女飛躍十強。（娛樂組攝
曾展望（GM）、葉蒨文（Sophie）昨日一同以皮褸造型出席《萬千星輝頒獎典禮》活動。二人一同入圍男女飛躍十強。提到今次二人一齊以皮褸出現，是否事前夾好，他們雙雙否認，坦言來到現場才發現，問到在頒獎禮上會否特別夾衣服，他們表示不會，屆時再看會否有意想不到的效果。
Sophie日前被網民貼上她雙下巴的照片，繼而被網民要求減肥，GM就用「肥貓咪」稱呼女友，借機放閃。事後Sophie大談身形問題，她受訪時說：「我就自己衡量一個藝人係咪專業同肥瘦無關，一來我自己唔係要行偶像派，二來希望大家唔好覺得女性一定要係骨感，社會比女性太大壓力，我知道有啲人為咗減肥去節食，搞到身心都唔健康，我想話俾大家知雙下巴都係OK 㗎！最緊要尊重自己意願。」
GM說：「每個人去到唔同階段，都有唔同階段嘅靚，就好似牛扒咁，三成熟、五成熟、七成熟、全熟，只要佢一塊靚牛扒就好食！冇問題㗎！希望大家都可以學習下Sophie嘅價值觀！唔好太過有面容焦慮，做好自己，就會越嚟越有自信，有自信就會靚！」
Sophie認為雙下巴都沒有問題。
Sophie隨後問他愛瘦還是有肉地，GM即拍拍腹度笑謂自己愈來愈有肉。他說：「有時有啲肉，係會令人哋幸福同開心啲， Sophie嘅價值觀真係好好，冇鼓吹大家要追瘦！」提到他以「肥貓咪」稱呼Sophie，他指看到那幾張相時覺得Sophie好得意，於是叫她做「肥貓咪」，並透露私下也是這樣稱呼對方。
Sophie被問到自己作為藝人，會否擔心身形而控制飲食，她說不會並謂：「我冇刻意去節食，覺得身心嘅健康係需要平衡，如果過分節食、瘦身係唔好，而且藝人嘅價值係咪就係美醜呢？當然外觀有一定嘅商業價值，我就係想話俾女士知，唔好過分焦慮，唔好追求面容、身形完美嘅狀態，放鬆啲。」
ADVERTISEMENT
立即更新/下載AM730手機APP 體驗升級功能
