Hotcha前晚於九展舉行10周年演唱會，圈中有不少好友，包括江若琳、蕭潤邦、洪卓立、鍾舒漫、小肥等亦有到場支持。Hotcha前老闆薛世恆，雖然曾與張惠雅(Regen)傳出緋聞，但Regen就說，緋聞假的真不了。
Hotcha3位成員以勁歌熱舞揭開序幕，不過估不到黎美言(Winkie)唱完第一首歌後就淚流滿面，Regen事後話︰「因為大家都講好咗話最後先喊，我真係被佢嚇親，見佢唱完第一首歌，成塊面係濕晒。」Winkie最終成為大喊包，在演唱會上喊足3次。此外，Regen的前緋聞男友薛世恆，亦有到場支持，Regen就說︰「佢當然要到啦，佢係我哋以前老闆嘛！」提到當年的緋聞，Regen就指：「自己成日講錯嘢，怕自錯詞語，總之緋聞假的真不了。」
張智霖攬到Crystal好尷尬
這晚Hotcha找來張智霖(Chilam)任演唱會嘉賓，和她們一齊合唱《情愛現代事故》，張紋嘉(Crystal)除了得Chilam深情對望外，更獲對方來一個愛的抱抱，令到Crystal滿面通紅，事後Regen說：「Chilam係專登整蠱Crystal，因為Crystal彩排時已經唔敢直望對方。」
Regen和Winkie稱，Crystal與Chilam抱抱，查實「暗爽」。
Hotcha的前老闆薛世恆無懼緋聞，現身支持Regen。