家燕姐提起周驄、雪妮、唐佳及吳博君時，不禁眼濕濕。
薛家燕今日(16日)與4歲孫仔Julian現身灣仔會展，出席品牌發布會，兩嫲孫大跳十字步舞，Julian面對傳媒時表現非常淡定。Julian早前在學校繪畫家燕姐成為「最愛的家人」，公仔有一個很高的髮髻，很有標誌性。在訪問期間，Julian與家燕姐一人一句，非常溫馨。
家燕姐與孫仔一齊到書展出席品牌活動。
個心好唔安落
談到近日周驄、雪妮、唐佳及吳博君先後離世，家燕姐長嘆一聲，她哽咽表示「好唔想講，大家都知好多朋友走咗，我心入面好唔安落。」她稱早年得知吳博君患病，當時托曾醒明代她探望及為些物品給對方，而吳博君也會拍回一些短片多謝她。
她說︰「我都會話希望佢生活愉快，早日康復……但我心入面知道……佢呢個症係好難康復……尋日從曾醒明口中得知吳博君死訊，我都有安慰佢太太，佢唔使再受苦，到天堂可以有美好生活，屋企人唔使掛心。佢太太都有多謝我關心……好難過，大家都知呢排有好多唔好消息，我夜晚都喊。」
家燕姐表示自己祝吳博君早日康復，但內心知道是不可能的事。(娛樂組攝)
提起都眼濕濕
對於周驄、雪妮及唐佳先後離世，家燕姐表示每次跟好親密的圈中朋友談起時，每次都忍不住落淚。她說︰「佢哋兩夫婦真係好恩愛，無諗過佳哥會有呢個抉擇，佢哋能夠安葬一齊，一齊離去，可能佢哋係上面延續佢哋恩愛。我哋會好懷念佢哋，好珍惜佢哋俾我哋嘅指導同愛，永遠懷念。」
家燕姐表示唐佳以前是很用心的武指，會為她設計一些很好的動作，自己跟雪妮也合作多次，無所不談。她指每次約他們夫婦食飯時，都會拖手出現，非常恩愛。對於周驄，家燕姐指對方是一個很愛錫太太及家人的前輩，過去也不時跟他合作。
家燕姐坦言自己年紀不少，所以也會不時相約朋友見面。(娛樂組攝)
她坦言人生無常，要好好珍惜眼前人，珍惜大家的相處，大家都要身體健康，互相支持、安慰，活得開心。她續說︰「年長嘅始終都年紀大，佢哋走得安詳，我哋都祝福佢哋，希望佢哋一路好走，家人折哀順變。」她表示自己年紀也不少，所以都會多約朋友出來見面。
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
